TERRIERS DU CHATEAU D'ORGELET

Terrier de 1523

"ET QUANT AUDIT CHASTEAUL ESTANT ASSIS AU LIEU DESSUS DÉCLARE, IL EST D'EN PRÉSENT EN RUYNE. MAIS A L'ENTOUT DE CELLUY, IL Y A ENCOIRES DE BONNES ET GROSSES TOURS ET MURAILLES. ET SOULIOIT,ESTRE UNE IRES BELLE, PLAISANT ET IRES NOTABLE FORTERESSE DE GRANT APPARANCE, BIEN SPACIEUSE, ASSISE AU BOULT DE LADITE MONTAIGNE DE MONTORGYT SUR UNE HAULTE ROCHE. ET SOULOIT ENTRE FERME ET CLOZ DE DEUX PAIRES DE MEURS .TOUT ALENTOUR. ET EN ICELLUY CHASTEAUL A ENCORES UNE BELLE ET GRANDE TOUR DE PIERRE CARRES QUE SOULOIT ENTRE COUVERTE DE PLOMB QUI EST BELLE ET GRANDE. ET AU DEVANT DICELLUY CHASTEAUL; REVERS LA DICTE VILLE D'ORGELET, A UNE BASSE COURT FERME DE MEURS CONTRE LA DICTE VILLE ET DERRIERE ICELLUY CHASTEAUL, ENTRE LES SCAYNTRES ET ICELLUY A UNG JARDIN. ET Y A AUSSI AUDIT CHASTEAUL, DU COUSTEL DE LA ROCHE, UNE PONTELLE POUR SAILLIR PAR DERRIERE HORS LEDIT CHASTEL. ITEL Y A ENCOURES UNE AUTRE GRANDE TOUR CARRES ESTANT REVERS LA VILLE QUI EST A MACHECOLIZ TOUT ALENTOUR A BRASSES ET TERRASSES COUVERTE DE TABLES ET DE PIERRE A PENDANT."

Terrier de 1455

"ET LE CHASTEL EST UNE TRES BELLE ET TRES NOTABLE FORTERESSE ET CHASTEL DE GRANT ET NOTABLE APPARISSANCE ET SPACIEUSE, ASSISE SUR UNE HAULTE ROICHE DE TOUS COUSTELZ AU DESSUS DE LA DITS VILLE ET JOIGNANT A ICELLE, FERMMEE DE PEUX PAIRES DE MURS TOUT ALENTOUR. ET EN ICELLUI A UNE BELLE ET GRANDE TOUR QUARREE COUVERTE DE PLOMB AVEC UNE GRANT SALLE SEMBLABLEMENT COUVERTE DE PLOMB ET MOULT BELLE ET GRANDE, ET PLUSIEURS CHAMBRES, POILLES, GARDES ROBES, RETRAIZ, AISANCES ET AUTRES CHOSES NOCESSAIRES ET APPARTENANS A FORTERESSE ET CHASTEL. ET A AUDIT CHASTEL UNE BELLE ET GRANDE CITERNE PLAINE D'EAUE POUR SERVIR AUDIT CHASTEL. ET PAR DEVANT, DÉVERS LADITE VILLE UNE BASSECOURT BIEN FERMES DE BONS MURS CONTRE LADITE VILLE, EN LAQUELLE SONT LES ESTABLERIES DU SEIGNEUR. ET EN L'ENTRÉE DICELLE BASSECOURT EST LA MAISON DU PORTIER DE LA PREMIERS PORTE DUDIT CHASTEL. ET DERRIERE LEDIT CHASTEL A UNG JARDIN ENTRE LE CINTRES ET LEDIT CHASTEL. ET AUSSI A AUDIT CHASTEL DE LA PARTIE DE LA ROICHE UNE BELLE POTELLE POUR SAILLIR PAR DERRIERE HORS DICELLUI CHASTEL SANS LE DENGIER DE LADITE VILLE. AUQUEL CHASTEL SONT ET APPARTIENNENT LES NOBLESSES, SEIGNORIES, DROIS, REVENU ET AUTRES CHOSES CY APRES DECLARES. ET A ICELLUI CHASTEL EST NOUVELLEMENT EDIFFIE BELLE ET GRANDE TOUR QUARREE, DU COUSTE DEVERS LADITE VILLE, A MACHICOLIZ TOUT ALES TOUR A BASSES ET A TERRASSE COUVERTE DE TABLES DE PIERRE A PENDANS."